Rusiya ilə Hindistanın ticarət həcmi rekord həddə çatıb

2013-cü ildən bəri Rusiya ilə Hindistan arasında ticarət dövriyyəsi 10,8 dəfə artıb.

525.az xəbər verir ki, bu barədə Hindistanın Ticarət və Sənaye Nazirliyi məlumat yayıb. 2023-cü ilin sonunda iki ölkə arasında ticarətin həcmi rekord həddə - 64,6 milyard dollara çatıb. Müqayisə üçün on il əvvəl bu rəqəm cəmi 6 milyard dollar idi.

Ötən il Hindistan 60,6 milyard dollar dəyərində Rusiya malları alıb. Gübrə və bitki yağları və piylərin ixracı da artıb.

Rusiya 2023-cü ildə Hindistandan 4,1 milyard dollar dəyərində mal idxal edib. Bunlar əsasən kimyəvi məhsullar, həmçinin dərmanlar, avtomobillər, avadanlıq və elektronika olub.

Bu ilin yanvar-aprel aylarında ölkələr arasında ticarət dövriyyəsi 23,1 milyard dollar təşkil edib.

Bundan əvvəl Rusiya prezidenti Vladimir Putin Rusiya ilə Hindistan arasındakı münasibətləri strateji tərəfdaşlıq kimi qiymətləndirib.

Pərvanə Sultanova