2016-cı ildə Rio de Janeyroda keçiriləcək olimpiya oyunlarına lisensiya verəcək turnirdə rusiyalı Andrey Zamkovla qarşılacaq Azərbaycanın peşəkar boksçusu Fariz Məmmədov döyüş öncəsi mətbuat konfransı keçirib.
Qol.Az-ın "Azerisport.com"a istinadən verdiyi məlumata görə, F.Məmmədov AİBA Pro Boxing (APB) yarışında üz-üzə gələcəyi rusiyalı boksçunun turnirdə ən güclü rəqibi olduğunu bildirib:
"Bu, peşəkar boksdur və burada döyüşə çox diqqətli yanaşmalısan. Rəqib haqda məlumat toplamışam. O, turnirdə ən güclü rəqibimdir. Bu yaxşıdır, çünki güclü rəqiblə döyüşməkdən zövq alıram. Baxmayaraq ki, Zamkov 187 sm boya malikdir".
Qeyd edək ki, Farizin Zamkovla döyüşü oktyabrın 25-də, "Sərhədçi" olimpiya kompleksində keçiriləcək
çap et