Sui-qəsdə uğrayan ABŞ-nin sabiq prezidenti Donald Trampın bərpa prosesi gözlənildiyi kimi keçir.
525.az xəbər verir ki, bu barədə Ağ evin keçmiş həkimi Ronni Cekson bildirib.
O söyləyib ki, arabir Trampın qulağında qanaxma baş verir. Cekson həmçinin qeyd edib ki, sabiq prezident eşitmə testindən də keçməli olacaq.
“İyulun 13-də Pensilvaniyadakı mitinqdə potensial qatilin gülləsi qulağına dəyməmişdən öncə Trampın başından düymün dörddə biri qədər yan keçib”, - deyə həkim “Reuters”ə açıqlamasında bildirib.
Cekson vurğulayıb ki, ilk andan sabiq prezidentin vəziyyətinə nəzarət edir. Onun sözlərinə görə, Tramp tezliklə əlavə müayinədən keçməli olacaq.
İbrahim Cəfərov
çap et