Madridin mərkəzində Serbiyanın bu ölkədəki səfiri İrena Şaraca hücum edilib.
525.az xarici mətbuata istinadən xəbər verir ki, Serbiyanın xarici işlər naziri Marko Curiç İspaniya hakimiyyətini insidenti araşdırmağa çağırıb.
Hadisə sentyabrın 8-də baş verib. Naməlum kişi telefonla danışan səfirə yaxınlaşaraq onun Serbiya vətəndaşı olub-olmadığını soruşub. Hücum edən şəxs daha sonra qadını arxadan təpikləyərək qaçıb.
Curiç diplomata fiziki hücumu pislədiyini bildirib, bu cür zorakılıq hallarının yolverilməz olduğunu deyib: “Biz hərtərəfli təhqiqatın aparılmasına və günahkarın məsuliyyətə cəlb olunmasına çağırırıq”.
Pərvanə Sultanova
çap et