ABŞ-ın keçmiş prezidenti, Respublikaçılar Partiyasının namizədi Donald Tramp və demokrat, hazırkı vitse-prezident Kamala Harris debat zamanı aşağı səviyyədə siyasi diskussiya nümayiş etdirərək, uşaqlara bənzəyiblər.
525.az xəbər verir ki, bu barədə rusiyalı politoloq Pavel Feldman namizədlərin debatını şərh edərkən deyib.
Onun sözlərinə görə, hər iki namizəd şüarlarla çıxış edərək, orijinal ideyaların tam olmadığını və reallığı səthi qavradıqlarını göstərdilər: “Nə Trampın, nə də Harrisin Amerikanı böhrandan çıxarmaq üçün dəqiq planı var. Bu, söz duelində hər iki tərəf məğlub hesab edilməlidir. Çin və Rusiyanın hazırkı liderləri ilə müqayisədə ABŞ prezidentliyinə namizədlər qum qutusunda oyuncağı paylaşa bilməyən uşaqlara bənzəyirdilər”.
O, əlavə edib ki, ABC kanalından olan görüş moderatorları açıq şəkildə vitse-prezidentlə yanaşı idilər.
Eyni zamanda, Respublikaçılar Partiyasından olan namizəd nüvə müharibəsi təhlükəsi və hərbi eskalasiyanın yolverilməzliyi barədə ağlabatan fikirlər söyləsə də, onun sözlərinə həmsöhbəti və moderatorlar məhəl qoymayıblar. Ekspertə görə, Harris Trampdan fərqli olaraq Ukrayna böhranının bitməsini istəmir. O deyib ki, natiqlər abortun qadağan edilməsi, vergi siyasəti, qeyri-qanuni miqrasiya ilə mübarizə üsulları mövzularını müzakirə ediblər, lakin yeni heç nə deyilməyib.
Feldman əlavə edib ki, Harris rəqibindən daha enerjili görünürdü. Bununla demokratların siyasi strateqləri çox böyük iş görüblər: “Onun bütün ifadələri əzbər öyrəndiyi və uzun müddətdir ki, rəqibinə hücumları məşq etdiyi aydın görünürdü. Müzakirələrdə o, prokuror rolunu oynadı və Tramp, sadəcə müqavimət göstərdi”.
Pərvanə Sultanova
çap et