"Kəpəz"dən yeni transfer

“Kəpəz” heyətini daha bir futbolçu ilə gücləndirib. 

QOL.az xəbər verir ki, bu barədə klubun mətbuat xidməti məlumat yayıb. “Kəpəz” Dioqo Verdaska ilə mövsümün sonuna qədər müqavilə imzalayıb. 27 yaşlı portuqaliyalı futbolçu müdafiəçi mövqeyində çıxış edir.

Dioqo Verdaskanın son klubu İspaniyanın Sequnda (La Liqa 2) təmsilçisi “Mirandes” olub. "Portu"nun yetirməsi olan futbolçu İspaniyada "Real Saraqosa"da, eləcə də "Beytar" (İsrail, Yerüsəlim) və "Şlensk" (Polşa, Vrotslav) klublarında oynayıb.

Qeyd edək ki, Gəncə klubu bu mövsüm Elmir Tağıyev, Nicat Süleymanov, Paulo Rojerio, Kərim Lkoça, Məmməd Hüseynov, Lassana Ndiaye, İlkin Qırtımov, Viktor Braqa, Orxan Əliyev, Rauf Hüseynli, Turan Manafov və Valdemar Almeydanı da transfer edib.