Avropa Parlamenti (AP) Venesuela prezidenti Nikolas Maduronun həbsinə beynəlxalq order verilməsinə və müxalifət lideri Edmundo Qonzales Urrutianın dövlət başçısı kimi tanınmasına çağırıb.
525.az xəbər verir ki, bu barədə AP-nin qətnaməsində deyilir.
“Biz Aİ-ni və üzv dövlətləri insanlığa qarşı cinayətlərinə görə Nikolas Maduro barədə beynəlxalq həbs qərarı çıxarılmasını tələb edirik”, - açıqlamada vurğulanıb.
Bundan əlavə, Avropa Parlamentinin deputatları Venesuela Milli Seçki Şurasının üzvlərinə qarşı sanksiyaları bərpa edəcəklər.
Sentyabrın 2-də ABŞ Venesuela prezidentinin təyyarəsini ələ keçirərək Floridaya aparıb. ABŞ Ədliyyə Nazirliyi təyyarənin onun sanksiyalar qanunlarını pozduğuna görə müsadirə edildiyini bildirib.
Venesuela hakimiyyəti isə ABŞ-ı piratçılıqda ittiham edib.
Pərvanə Sultanova
çap et