Aİ məhkəməsi "Google"un cəriməsini ləğv edib

Avropa İttifaqının (Aİ) Baş Məhkəməsi AdSense reklam xidmətində bazar üstünlüklərindən sui-istifadə etdiyinə görə Avropa Komissiyasının "Google" texnologiya şirkətinə tətbiq etdiyi 1,49 milyard avro cəriməni ləğv edib.

525.az xarici KİV-ə istinadən xəbər verir ki, mərkəzi ofisi Lüksemburqda olan və AB-nin ən yüksək məhkəməsi olan Avropa Ədalət Məhkəməsinin strukturuna daxil olan Baş Məhkəmə, "Google"un "Alphabet" çətiri altında AB Komissiyasının tətbiq etdiyi cəriməyə qarşı açdığı iddiada qərarını açıqlayıb.

Məhkəmə, AB Komissiyasının 5 il əvvəl "Google"a AdSense internet reklam xidmətində bazar üstünlüklərindən sui-istifadə etdiyinə görə tətbiq etdiyi 1,49 milyard avro cəriməni ləğv edib.

Qərarda “Ümumi Məhkəmə Komissiyanın Google AdSense ilə bağlı qərarını ləğv etdi” ifadəsi işlədilib.

Məhkəmə, Komissiyanın "Google"u təxminən 1,5 milyard avro cərimələdiyi qərarda müqavilə bəndlərinin müddətinin qiymətləndirilməsində səhvlərə yol verildiyinə qərar verib.

Qeyd edək ki, 2019-cu ildə Aİ Komissiyası "Google"u AdSense internet reklam xidmətində bazar üstünlüklərindən sui-istifadə etdiyinə görə 1,49 milyard avro cərimələyib.

Malik Atilay