Prezident seçkiləri üçün səsvermənin yekunlaşdığı Şri-Lankada polis yerli vaxtla səhər saat 06:00-a qədər komendant saatı elan edib.
525.az xarici KİV-ə istinadən xəbər verir ki, qərargahı Şri-Lankanın paytaxtı Kolomboda yerləşən “Newswire” saytının xəbərinə görə, seçici sayının 17 milyonu keçdiyi ölkədə səsvermə prosesi insidentsiz başa çatıb.
Əhalinin təhlükəsizliyi üçün polis axşam saat 22:00-dan sabah səhər saat 06:00-a qədər komendant saatı elan edib.
Seçkilər 2022-ci ildə baş verən ağır iqtisadi böhrandan sonra ilk prezident seçkiləri olub.
Ölkədə hökumət əleyhinə etirazların baş verdiyi 2022-ci ildən bəri ilk seçkidə 40 namizəd mübarizə aparıb.
Malik Atilay
çap et