Şərqi Liviyanın hakimiyyət orqanları BRİKS-ə qoşulmaq məsələsini öyrənir.
525.az xəbər verir ki, bu barədə Liviyanın şərqindəki hökumətin xarici işlər naziri Əbd əl-Hadi əl-Huveyc deyib.
O bildirib ki, Liviyanın mühüm iqtisadi blok olan BRICS-ə qoşulmasını dəstəkləyənlər sırasındadır.
“Biz bu addımı inkişaf etməkdə olan ölkələrlə iqtisadi əlaqələri gücləndirmək və davamlı iqtisadi inkişafı həyata keçirmək strategiyamızın bir hissəsi kimi araşdırırıq. Bunun üzərində ciddi işləməliyik”, - nazir əlavə edib.
Diplomat əlavə edib ki, Liviya quruma ən azı ilk mərhələdə müşahidəçi qismində qoşulmağa çalışır.
Liviyada 2014-2020-ci illər vətəndaş müharibəsindən sonra bir-birini tanımayan iki hökumət var. Birinciyə Abdelhamid Dbeyboy rəhbərlik edir və Tripolidə fəaliyyət göstərir. Nümayəndələr Palatası tərəfindən səlahiyyət verilən ikincisi Benqazidə yerləşir və Usama Hammad tərəfindən idarə olunur.
Pərvanə Sultanova
çap et