Niderlandın keçmiş Baş naziri Mark Rutte NATO-nun baş katibi kimi fəaliyyətə başlayıb.
525.az xarici KİV-ə istinadən xəbər verir ki, o, bu vəzifədə norveçli Yens Stoltenberqi əvəzləməklə qurumun tarixinə 14-cü baş katib kimi düşüb. Stoltenberq isə fəaliyyət müddətinə görə rekordçudur. O, 10 il NATO-nun baş katibi vəzifəsində qalıb.
Təhvil-təslim mərasimi NATO-nun mənzil-qərargahında Şimali Atlantika Şurasının xüsusi iclasında baş tutub.
Səlahiyyətlərini təhvil verən Stoltenberq vurğulayıb ki, 2014-cü ildə o, Alyansa qoşulanda NATO Ukraynaya yalnız kiçik dəstək verirdi, lakin indi bu dəstək kütləvidir və koordinasiya üçün NATO-nun xüsusi qərargahı yaradılıb.
İbrahim Cəfərov
çap et