Mərakeş Aİ məhkəməsinin qərarına kəskin etiraz edib
Mərakeş Krallığı Avropa İttifaqı Ədalət Məhkəməsinin kənd təsərrüfatı və balıqçılıq müqavilələri ilə bağlı cümə günü verdiyi qərara özünü heç bir şəkildə aid etmir. Krallıq məhkəmə prosesinin heç bir mərhələsində iştirak etməyib.
525.az xəbər verir ki, bu barədə ölkənin Xarici İşlər Nazirliyinin bəyanatında deyilir. Qeyd olunub ki, Mərakeş bir tərəfdən Avropa İttifaqına, digər tərəfdən isə Əlcəzairin dəstəklədiyi “polisario”ya aid olan bu işdə tərəf deyil. Mərakeş prosessual mərhələlərin heç birində iştirak etməyib və buna görə də özünü heç bir şəkildə qərarla əlaqəli hesab etmir.
Buna baxmayaraq, bu qərarın məzmununda aşkar hüquqi səhvlər və şübhəli fakt yanlışlıqları var ki, bu da, əgər açıq-aşkar siyasi qərəz deyilsə, ən yaxşı halda işin reallıqlarından tamamilə məlumatsızlıq göstəricisidir.
Məhkəmə hətta özünə BMT-nin səlahiyyətli orqanlarının yerini tutmaq hüququ verərək, bu orqanların müəyyən edilmiş mövqe və yanaşmalarına zidd hərəkət edib. Bundan əlavə, daha əvvəl Britaniya Ali Məhkəməsi tamamilə oxşar iş üzrə daha çox müdriklik, qərəzsizlik və hüquqi ustalıq nümayiş etdirib.mi
Mərakeş Şuradan, Avropa Komissiyasından və Aİ üzv dövlətlərindən beynəlxalq öhdəliklərə hörmət etməyi, tərəfdaşlıq nailiyyətlərini qorumağı və Aİ-nin bir sıra strateji məsələlər üzrə tərəfdaşı kimi Krallığı tərəfdaşı kimi haqqı olduğu hüquqi aydınlıqla təmin etməyi tələb edir.
Bu kontekstdə Mərakeş özünün ərazi bütövlüyünə və milli birliyinə hörmət etməyən heç bir müqavilə və ya hüquqi sənədə qoşulmamaq barədə daimi mövqeyini bir daha bəyan edir.
Pərvanə Sultanova
