Hər il Cənubi Koreyada minlərlə insan təkbaşına ölür, bəzən cəsədlərini tapmaq günlər və ya həftələr çəkir, bu vəziyyət o qədər aktuallaşıb ki, hökumət bu problemlə mübarizə üçün 327 milyon dollar xərcləməyi gözə alıb.
525.az xarici mediaya istinadən xəbər verir ki, səs-küylü paytaxt Seulda şəhər rəsmiləri bu həftə “heç kimin tək olmadığı bir şəhər yaratmaq” üçün qarşıdakı beş il ərzində 451,3 milyard von (təxminən 327 milyon dollar) xərcləyəcəklərini açıqlayıblar.
Dövlətin yeni təşəbbüslərinə 24/7 tənhalıq üzrə məsləhətçilər, onlayn məsləhət platformaları və üzbəüz ziyarətlər və məsləhətlər kimi təqib tədbirləri daxildir.
Seul meri Oh Se-hoon mətbuata açıqlamasında: "Tənhalıq və təcrid yalnız fərdi problemlər deyil, cəmiyyətin birlikdə həll etməli olduğu bir vəzifədir", - deyib.
Malik Atilay
çap et