Almaniya Federativ Respublikasının xarici işlər naziri Annalena Berbok Çini Ukraynada xüsusi əməliyyatlar zamanı istifadə üçün Rusiyaya pilotsuz təyyarələr verməkdə ittiham edib.
525.az xəbər verir ki, bu barədə N-TV telekanalı məlumat yayıb.
Berbokun sözlərinə görə, Berlin hesab edir ki, Pekin dronlar göndərməklə Moskvaya kömək edir.
“Bunun nəticələri olmalıdır və olacaq da”, - deyə Almaniyanın xarici işlər naziri bildirib.
Bundan əvvəl Avropa diplomatiyasının rəhbəri vəzifəsinə keçəcək Kaya Kallas qeyd etmişdi ki, Çin Ukrayna münaqişəsində Rusiyaya verdiyi dəstəyə görə daha yüksək “qiymət ödəməlidir”.
Kallas vurğulayıb ki, Çinin dəstəyi olmasaydı, Rusiya Ukraynaya qarşı müharibəni bu cür intensiv şəkildə davam etdirə bilməzdi.
İbrahim Cəfərov
çap et