Belarus prezidenti Aleksandr Lukaşenko 21 hərbçi və hüquq-mühafizə orqanı əməkdaşının rütbəsini əlindən alıb.
525.az Belarus mətbuatına istinadən xəbər verir ki, buna səbəb onların 2020-ci ildə keçirilən etiraz aksiyalarında rütbə və statuslarına zidd fəaliyyətləri olub.
Sərəncamın digər detalları barədə məlumat verilmir.
Qeyd edək ki, 2020-ci ildə Belarusda hökümət əleyhinə geniş aksiya keçirilmişdi. Aksiya iştirakçılarının 3 əsas tələbi var idi: siyasi məhbusların azad olunması, prezident Lukaşenkonun istefası və yeni dövlət başçısının seçilməsi. Aşkar lideri olmayan aksiya iştirakçılarının etirazları tədricən zəifləyərək bir müddət sonra başa çatmışdı.
L.Tağıyeva
çap et