İranın Xuzistan, Sistan-Bəlucistan, İsfahan, Kohgiluye-Buyer Əhməd, Çaharmahal-Bəxtiyari və Lorestan əyalətlərində yağıntıların miqdarı təxminən 50-80 faiz arasında azalıb.
525.az xarici KİV-ə istinadən xəbər verir ki, İranın Energetika Nazirliyinə bağlı Su Ehtiyatları İdarəetmə Şirkəti mövzu ilə bağlı son hesabatında ölkə daxilində yağıntı vəziyyətini qiymətləndirib.
Payız yağışlarının başladığı 20 sentyabr-15 noyabr dövrünü əhatə edən hesabatda Xuzistan, Sistan-Bəlucistan, İsfahan, Kohgiluye-Buyer Əhməd, Çaharmahal-Bəxtiyari və Lorestan əyalətlərində yağıntının nisbəti 52 faizdən 78 faizə enib.
Azalma tempi Şərqi Azərbaycan, İylam və Ərdəbil vilayətlərində 27-47 faiz, Əl-Borz, Buşəhr və Qərbi Azərbaycan vilayətlərində 18-25 faiz, Kirman və Zəncanda isə təxminən 5-7 faiz arasında olub.
Qeyd edək ki, səlahiyyətlilər, yağıntıların dəyişməsinin su ehtiyatlarına və kənd təsərrüfatına təsirlərinə diqqət çəkərək, planlı su idarəçiliyinə çağırıblar.
Malik Atilay
çap et