Dünən Kosta-Rikanın San-Xose əyalətində sərnişin təyyarəsi qəzaya uğrayıb.
525.az xarici KİV-ə istinadən xəbər verir ki, hadisə Eskasu adlandırılan dağlıq ərazidə baş verib.
Kiçik mühərrikli təyyarədə 6 nəfər olub. Ərazinin dağlıq və cəngəllik olması, üstəlik yağışlı hava şəraiti xilasedicilərin işini çətinləşdirsə də, bir neçə saat öncə təyyarənin qalıqları aşkar edilib. 6 nəfərdən 5-i həlak olub, 1 qadın sərnişin isə ağır vəziyyətdə xəstəxanaya yerləşdirilib.
Yeri gəlmişkən, 6 nəfərin 5-i 1 ailənin üzvü olub. Pilot və 4 ailə üzvündən yalnız 1 nəfər sağ qalıb. 6-cı şəxs isə pilot köməkçisi imiş.
Qeyd edək ki, hadisənin baş vermə səbəbi hələlik dəqiq məlum deyil. Ehtimal ki, yağışlı və dumanlı hava faciəyə səbəb olub.
L.Tağıyeva
çap et