Con Hopkins Universitetinin alimləri Suriyanın qədim Tell-Umm-əl-Marra şəhərində qədim əlifba aşkarlayıblar.
525.az xarici KİV-ə istinadən xəbər verir ki, tapılan gildən hazırlanmış silindilərin üzərindəki əlifbanın 4 min yaşı var.
Yaxşı halda qalan barmaq böyüklükdə olan silindirlər qəbirlərin birində aşkarlanıb. Qazıntı zamanı qəbirdə 6 insan skeleti, qızıl və gümüş məmulatları, saxsı qablar, silahlar üzə çıxıb.
Analizlər nəticəsində bütün eksponatların e.ə. 2400-cü ilə aid olduğu məlum olub.
Qeyd edək ki, buna kimi e.ə. 1900-ci ilə aid olan dünyada ən qədim əlifbanın Misirdə tapıldığı məlum idi.
L.Tağıyeva
çap et