Gələn il Mayamidə 1907-ci ildə istehsal olunmuş "Itala 120 HP" markalı idman avtomobili hərraca çıxarılacaq.
525.az xarici KİV-ə istinadən xəbər verir ki, bu barədə dünyaca məşhur "RM Sotheby's" hərrac şirkətinin rəsmi saytında məlumat paylaşılıb.
15 litr həcmli, 1200 at gücünə malik mühərriki olan bu idman avtomobilindən günümüzə cəmi 2-i gəlib çıxıb. Avtomobil britaniyalı pilot, rekordçu Henri Siqreyvə məxsus olub. Ötən əsrin əvvəllərində bir neçə yarışda sürülən "Itala" 1965-ci ildə İndianapolis muzeyinə verildikdən sonra əsaslı təmir olunub. 4 pilləli sürət qutusu, şassi, mühərrik və digər detallara "əl gəzdirilsə" də, dəyişdirilməyib.
Qeyd edək ki, tam işlək vəziyyətdə olan 117 yaşlı idman avtomobilinin ilkin qiyməti 2-3 milyon dollar arasında olacaq.
L.Tağıyeva
çap et