Bu gün səhər saatlarında Ulyanovskda yük və sərnişin avtomobillərinin iştirakı ilə ağır yol-nəqliyyat hadisəsi baş verib.
525.az Rusiya mətbuatına istinadən xəbər verir ki, Saransk-Sursk-Ulyanovsk yolunun Zasviyajsk rayonu ərazisindən keçən hissəsində "Chevrolet Cobalt" markalı minik avtomobili idarəetməni itirərək yolun əks hissəsi ilə hərəkət edən MAZ markalı yük avtomobilinə çırpılıb.
Nəticədə minik avtomobilində olan 5 nəfərin hamısı dünyasını dəyişib. MAZ-ın sürücüsü müxtəlif dərəcəli bədən xəsarətiləri ilə xəstəxanaya yerləşdirilib.
Qeyd edək ki, bu, bu gün səhər baş verən ikinci ağır yol-nəqliyyat hadisəsidir. Bir qədər əvvəl Zabaykalsk vilayətində də ağır qəza baş verib. "Yutonq" markalı avtobusun aşması nəticəsində 2 nəfər həyatını itirib.
L.Tağıyeva
çap et