2024-cü il sentyabrın 30-a kimi ABŞ İmmiqrasiya və Gömrük Xidmətinin əməkdaşları 192 ölkədən gəlmiş 271 min 484 miqrantı ölkədən çıxarıb.
525.az xarici KİV-ə istinadən xəbər verir ki, bu barədə idarənin maliyyə ili hesabatında göstərilib.
"Qırmızı işığa düşən" gəlmələrin 88 min 763-ünün və ya 32,7 faizinin keçmişdə qanunla bağlı problemləri olub.
Ötən illə müqayisədə ölkədən çıxarılan miqrantların sayı 2 dəfə artıb. Maraq üçün bildirək ki, 2023-cü maliyyə ilində ABŞ-ı tərk edən miqrantların sayı 142 min 580 nəfər təşkil edib.
Qeyd edək ki, bu, son 10 ildə ən yüksək göstəricidir. 2014-cü ildə təxmini 316 min miqrant ABŞ-dən qovulmuşdu.
L.Tağıyeva
çap et