Los-Ancelesdə meşə yanğınlarını daha geniş əraziyə yayılıb.
525.az xarici KİV-ə istinadən xəbər verir ki, Kaliforniya ştatının yanğınsöndürmə xidmətinin bu gün səhərə olan məlumatına görə alov 1344 hektar ərazini ağuşuna alıb.
Yanğının başladığı Pasifik-Paliseyds rayonunda 1182 hektarda yanğın davam edir. İton kanyonunda isə yanan ərazi 162 hektardır.
Yanğın nəticəsində bir çox sahələrə ziyan dəyib. Əsas da elektrik xətlərində yaranan problemlər Los-Ancelesin 220 min əhalisinin işıqsız qalmasına səbəb olub. Pasifik-Paliseyds rayonunun sakinləri isə ümumiyyətlə təxliyə olunublar.
Qeyd edək ki, dünən 3 hektar ərazidə başlayan yanğın güclü küləyin sayəsində daha geniş əraziləri əhatə edib. Los-Anceles meri Karen Bass vəziyyətin təhlükəli olduğunu deməklə yanaşı, yanğının qarşısını almaq və söndürmək üçün bütün mümkün variantlardan istifadə etdiklərini bildirib.
L.Tağıyeva
çap et