Belarus Rusiya ilə yoldaşlıq oyunu keçirəcək

Belarus Futbol Federasiyası Rusiya Futbol Federasiyasına bu ilin iyununda milli komandaların yoxlama oyunu keçirməsi barədə müraciət göndərib.

525.az Belarus mətbuatına istinadən xəbər verir ki, bu barədə BFF-nin vitse-prezidenti Andrey Vasileviç bildirib.

Onun sözlərinə görə, oyunun Minskdə - may ayında açılışı olacaq yeni stadionda keçirilməsi planlaşdırılır.

Qarşı tərəfin təklifi müsbət cavablandırması ehtimalı böyükdür.

Qeyd edək ki, 2022-ci ildə FİFA, UEFA və BOK tərəfindən klub və milli səviyyəsində bütün beynəlxalq yarışlardan uzaqlaşdırılan Rusiya millisi ötən il cəmi 5 yoxlama oyunu keçirib və hamısında qalib gəlib. Rəqiblərdən biri məhs Belarus yığması olub. Oyun 3:0 hesabı ilə başa çatıb.

L.Tağıyeva