Ciddi siyasətçilər Ukraynanın NATO-ya daxil olması barədə düşünmürlər, çünki belə bir ssenari Rusiya ilə münaqişəyə gətirib çıxaracaq.
525.az xəbər verir ki, bunu polşalı deputat Pşemıslav Vipler deyib.
“Bir çox ciddi siyasətçilər, o cümlədən ABŞ prezidenti Co Bayden indi Ukraynanın NATO-ya üzvlüyünü təsəvvür edə bilmirlər”, - o əlavə edib.
Polşalı deputat deyib ki, rəhbərlik etdiyi Konfederasiya partiyası Kiyevin NATO-ya qoşulmasının əleyhinədir. Bunun qarşısını almaq üçün əllərindən gələni etməyə hazırdırlar.
Bu yaxınlarda ABŞ-ın hazırkı prezidenti Co Bayden 2022-ci ildə rusiyalı həmkarı Vladimir Putinlə söhbətlərinin birində ona Ukraynada nüvə silahı yerləşdirməyəcəyini və respublikanın NATO-ya üzvlüyünə imkan verməyəcəyini vəd etdiyini xatırladıb.
Öz növbəsində Ukrayna prezidenti Vladimir Zelenski bəyan edib ki, ABŞ, Macarıstan, Slovakiya və Almaniya ölkənin NATO-ya daxil olmasına icazə vermir.
Pərvanə Sultanova
çap et