Fransanın "Lion" klubunun yeni baş məşqçisi müəyyənləşib.
QOL.az xəbər verir ki, bu barədə Liqa 1 təmsilçisinin rəsmi saytı məlumat yayıb.
Komandanı Paulu Fonseka çalışdıracaq. Portuqaliyalı mütəxəssis bu vəzifədə Pyer Sajı əvəzləyib. Onunla 2027-ci ilin iyununa qədər müqavilə imzalanıb.
Əvvəllər "Porto", "Şaxtyor", "Roma", Fransada "Lill" kimi klubları çalışdıran Fonseka ən son "Milan"ın baş məşqçisi olub. O, ötən il dekabrın 29-da istefaya göndərilib.
Qeyd edək ki, "Lion" Liqa 1-də 30 xalla 6-cı pillədə qərarlaşıb. Həmçinin, komanda Avropa Liqasında 15 xalla 6-cı olub və birbaşa 1/8 finala vəsiqə qazanıb.
çap et