Fransa Seneqaldan qoşunlarını çıxarmağa başlayıb və Paris artıq üç hərbi bazanı yerli hökumətə təhvil verib.
525.az xəbər verir ki, bu barədə “Seneqo” portalı məlumat yayıb. Xüsusilə Mareşal, Sent-Ekzüperi və Kontr-Admiral Prote hərbi bazaları Dakar ordusuna verilib. 200-ə yaxın fransız əsgəri ailələri ilə birlikdə hələlik Uakam və Rufisk hərbi obyektlərində qalıb.
Fransa qoşunlarının tam çıxarılması 2025-ci ilin sentyabrına planlaşdırılır. Bundan əlavə, Fransa hərbçiləri ilə Atlantik okeanındakı müttəfiqlər arasında əlaqə saxlamaq üçün zəruri olan yüksək tezlikli stansiyanın yerləşdiyi Dakarın kənarındakı Rufisk bazasının köçürülməsi şərtləri hələ də həll olunmamış problem olaraq qalır. Fransız qoşunlarının çıxarılmasında başqa bir maneə brakonyerlik və çirklənməni izləmək üçün istifadə edilən Falcon 50M təyyarəsinin taleyi və onun Blez Diaqne hava limanında yerləşdirilməsi idi.
Yanvarın əvvəlində Seneqal prezidenti Bassiru Diomaye Faye bildirib ki, ölkə 2025-ci ilə qədər bütün xarici hərbi mövcudluğu ləğv etmək niyyətindədir. Elə həmin ay media Seneqaldakı bütün hərbi bazaların 2025-ci ilin sentyabrına qədər bağlanacağını bildirdi.
Pərvanə Sultanova
çap et