"Zirə"dən böyükhesablı qələbə
Bu gün Misli Premyer Liqasında 23-cü tura start verilib.
QOL.az xəbər verir ki, ilk gündə bir matç keçirilib. Turun açılış oyununda “Sumqayıt” öz meydanında “Zirə”ni qəbul edib. Matç qonaqların 3:0 hesablı qələbəsi ilə başa çatıb.
Beləliklə, “Zirə” 42 xalla üçüncü, “Sumqayıt” isə 22 xalla yeddinci pillədə qərarlaşıb.
Kubok da nəzərə alınsa, bu görüşdən sonra “Gənclik şəhəri”nin təmsilçisi artıq 8 matçdır qol vura bilmir. Vaqif Cavadovun komandası sonuncu dəfə ötən il dekabrın 8-də “Neftçi” ilə matçda fərqlənib və qələbə qazanıb.
Qeyd edək ki, turun digər oyunları fevralın 16-sı və 17-də keçiriləcək.
Misli Premyer Liqası
3-cü dövrə, 23-cü tur
15 fevral
19:00. “Sumqayıt” - “Zirə” - 0:3
Qollar: Rafael Utziq, 14, Salifu Souma, 36, 65
Hakimlər: Kamal Umudlu, Vüsal Məmmədov, Rəhman İmami, Əli Əliyev
VAR: Tural Qurbanov
AVAR: Namiq Hüseynov
Mehdi Hüseynzadə adına Sumqayıt şəhər stadionu
16 fevral
16:00. “Turan Tovuz” - “Araz-Naxçıvan”
19:00. “Neftçi” - “Qarabağ”
17 fevral
16:00. “Kəpəz” - “Şamaxı”
19:00. “Səbail” - “Sabah”
