Rusiya Xarici İşlər Nazirliyinin sözçüsü Mariya Zaxarova Rusiyanın Marseldəki Baş Konsulluğunda baş verən partlayışın “terror hücumu” əlamətləri göstərdiyini bildirib və əlavə edib: “Fransadan hərtərəfli araşdırma aparmaq üçün təcili tədbirlər görməsini tələb edirik”.
525.az xarici mediaya istinadən xəbər verir ki, Rusiyanın TASS xəbər agentliyinə danışan Zaxarova ölkəsinin Marsel Baş Konsulluğu sərhədləri daxilində baş verən partlayışla bağlı açıqlamalar verib.
"Rusiyanın Marseldəki konsulluğunun ərazisində törədilən partlayışlarda terror aktının əlamətləri var. Biz Fransadan hərtərəfli araşdırma üçün təcili tədbirlər görməsini tələb edirik", - Zaxarova bildirib.
Qeyd edək ki, Kremlin sözçüsü Dmitri Peskov da bildirib ki, Marsel Baş Konsulluğunda baş verən partlayışla əlaqədar Rusiyanın “dost olmayan” ölkələrdəki diplomatik nümayəndəliklərində təhlükəsizlik tədbirləri artırılmalıdır.
Malik Atilay
çap et