Kreml Fransa Prezidenti Emmanuel Makronun dünənki xalqa müraciətini qarşıdurma kimi qiymətləndirir. Bu, Fransanın müharibənin davam etməsini istədiyi təəssüratını yaradır.
525.az “Report” a istinadən xəbər verir ki, bu barədə Rusiya Prezidentinin mətbuat katibi Dmitri Peskov bildirib.
"Əgər Makronun çıxışını oxusaq, elə təəssürat yaranır ki, Fransa həqiqətən də müharibənin davam etməsini istəyir", - o qeyd edib.
Onun sözlərinə görə, Makronun bəyanatlarında, o cümlədən Ukrayna nizamlanması planında qeyri-dəqiqliklər var: "Bundan əlavə, Fransa artıq öz nüvə silahlarını təhlükəsizlik məsələsində və s. istifadə etməyə hazırdır. Bu artıq nüvə ritorikasıdır, Avropada nüvə liderliyi iddiasıdır. Yəni bu çox qarşıdurmalıdır".
çap et