El-Salvadorda qədim piramidanın zirvəsində tədqiqatçılar rituallarda istifadə olunduğu güman edilən 5 keramik heykəlcik aşkar ediblər.
525.az xarici KİV-ə istinadən xəbər verir ki, kəşf bölgədəki az öyrənilmiş arxeoloji ərazilərdən biri olan San-İsidroda edilib.
Əhali sıxlığı və vulkan püskürmələrinin təsirləri səbəbindən burada qazıntı işləri aparmaq çətindir və bu üzdən qədim mədəniyyətlərin mənşəyi hələ də sirr olaraq qalır.
Təxminən e.ə. 400-cü ilə aid olan heykəlciklər cənazə hədiyyəsinə bənzəyən, lakin insan qalıqları olmayan təqdimatın bir hissəsidi. 3 heykəlçiyin başı hərəkətli olduğundan onların oyuncaq kimi istifadə edildiyi ehtimal olunur.
Heykəlciklərin qeyri-adi ifadəli simaları arxeoloqların xüsusi diqqətini çəkib. Baxış bucağından asılı olaraq onların ifadəsi dəyişir: yuxarıdan – şən, göz səviyyəsindən – qəzəbli, aşağıdan – qorxulu. Yəqin ki, bu, rituallar zamanı dramatik effekti gücləndirmək üçün imiş.
Qeyd edək ki, arxeoloqlar tapıntının Xristifor Kolumbdan əvvəlki El-Salvador haqqında olan anlayışı dəyişəcəyini iddia edirlər.
Nazənin Sadıqzadə
çap et