Britaniyalı xəzinə axtaran cütlük 15-ci əsrə aid xəzinə tapıb.
525.az xarici KİV-ə istinadən xəbər verir ki, Kit Yanq və Liza Stivenson Şotlandiyanın Kapperklyu kəndi yaxınlığında qazıntı apararkən 30 sikkə aşkarlayıb.
Sonradan ərazidə axtarış aparan arxeoloqlar torpaqdan daha 5 sikkə çıxarıblar.
Qızıl və gümüşdən olan sikkələrin üzərindəki yazılar onların 1460-1465-ci illə aralığında döyüldüyünü deməyə əsas verir.
Xəzinəni qeyri-adi edən isə orada həm ingilis, həm də şotland pul vahidlərinin olmasıdır.
Qeyd edək ki, 15-ci əsrdə İngiltərədə gümüşdən döyülmüş qrout, Şotlandiyada isə qızıldan hazırlanmış demi dövriyyədə olub. Xəzinədə olan sikkələr də məhz qrout və demidir.
L.Tağıyeva
çap et