Ukrayna: Rusiya ordusu hava zərbələri ilə Suca şəhərini demək olar ki, tamamilə dağıdıb

Ukrayna Milli Təhlükəsizlik və Müdafiə Şurasının Dezinformasiya ilə Mübarizə Mərkəzinin rəhbəri Andrey Kovalenko bəyan edib ki, Rusiya ordusu Kursk vilayətindəki Suca şəhərini “demək olar ki, tamamilə darmadağın edib”.

525.az xarici KİV-ə istinadən xəbər verir ki, Ukrayna Milli Təhlükəsizlik və Müdafiə Şurasının Dezinformasiya ilə Mübarizə Mərkəzinin rəhbəri Andrey Kovalenko Rusiya ordusunun Kursk vilayətində Ukrayna ordusunun nəzarətində olan Suca şəhərinin geri alınması ilə bağlı açıqlamalarını dəyərləndirib.

Şəhərin intensiv hava hücumlarına məruz qaldığını qeyd edən Kovalenko, "Rus ordusu hava hücumları ilə Suca şəhərini demək olar ki, tamamilə yerlə-yeksan etdi. Şəhər və ətrafı dağıdıldı, yalnız bir neçə mülki bina qaldı" deyib.

Qeyd edək ki, Rusiya Müdafiə Nazirliyi Kursk vilayətində Ukrayna ordusunun nəzarətində olan ən böyük şəhər olan Sucanın geri alındığını açıqlayıb.

Malik Atilay