Bu ilin yanvar-fevral aylarında Azərbaycan Gürcüstandan 19,203 milyon ABŞ dolları dəyərində yerli istehsal malları idxal edib ki, bu da 2024-cü ilin eyni dövrü ilə müqayisədə 15,6 % çoxdur.
525.az bu barədə “Report” a istinadən xəbər verir.
Azərbaycana tədarük qonşu ölkənin yerli məhsul ixracının 4,9 %-ni təşkil edib.
Hesabat dövründə Gürcüstan ümumilikdə 388,491 milyon ABŞ dolları dəyərində yerli istehsal malları ixrac edib. Bu isə 1 il əvvələ nisbətən 1,3 % azdır.
Gürcüstanın yerli məhsulların ixracında əsas tərəfdaşları Rusiya (67,395 milyon ABŞ dolları; 24,4 % az), Türkiyə (40,497 milyon ABŞ dolları; 24,7 % az), Çin (33,797 milyon ABŞ dolları; 22,4 % az), Bolqarıstan (28,13 milyon ABŞ dolları; 8,3 dəfə çox) və Ermənistan (21,625 milyon ABŞ dolları; 0,1 % çox) olub.
çap et