Avstriyada Ukrayna vətəndaşlarını daşıyan mikroavtobusun yük maşını ilə toqquşması nəticəsində 4 ukraynalı həlak olub, 6 nəfər isə xəsarət alıb.
525.az xarici KİV-ə istinadən xəbər verir ki, yaralılardan 4-nün vəziyyəti ağırdır.
Hadisə bu gün səhər, yerli vaxtla 06.30-da (Bakı vaxtı ilə 09.30) Noynkirhen əyalətində, A2 trassında baş verib. Əraziyə çox sayda xilasedici və polis əməkdaşı gəlib. Yaralıları xəstəxanalara çatdırmaq üçün 3 helikopter cəlb olunub.
Qəzadan sonra trassda böyük tıxac yaranıb. Tıxacın uzunluğu 1 kilometri aşıb.
Yeri gəlmişkən, yük avtomobilinin 2 perulu sürücüsü də ciddi xəsarətlərlə xəstəxanaya yerləşdirilib.
Qeyd edək ki, sürücülərdən hansının günahkar olduğu barədə məlumat verilmir. Yerli polis qəzanın baş vermə səbəblərini araşdırır.
L.Tağıyeva
çap et