Zapatojye vilayətinin Novopoltavka kəndində 2 mərtəbəli, çoxmənzilli evin bir hissəsi uçub.
525.az Rusiya mətbuatına istinadən xəbər verir ki, qəza evin 2 blokunda 6 mənzilin tamamilə dağılmasına səbəb olub.
2 mənzilə ciddi ziyan dəyib. Əraziyə 50 canlı qüvvə və xeyli texnika cəlb olunub.
Rusiya Fövqəladə Hallar Nazirliyinin yaydığı məlumata görə, 2 uşaq dağıntılar altında qalaraq həlak olub. Daha 4 nəfər müxtəlif dərəcəli bədən xəsarətiləri ilə xəstəxanaya yerləşdirilib.
Qeyd edək ki, hadisə yerinə gələn polis və prokurorluq əməkdaşları qəzanın baş vermə səbəblərini araşdırır. Faktla bağlı cinayət işi başlanıb.
L.Tağıyeva
çap et