525.Az

Dövlət qurumu məhkəməyə verildi


 

Dövlət qurumu məhkəməyə verildi<b style="color:red"></b> Fəlsəfə doktoru Elmira Alxasova Ali Attestasiya Komissiyasını məhkəməyə verib.

Lent.az-ın Bakı Apelyasiya Məhkəməsinə istinadən verdiyi məlumata görə, alim komissiyadan məktubların əsassız hesab olunması, elmi dərəcə və elmi addan məhrum edilmə vəzifəsinin həvalə edilməsi tələbi ilə məhkəməyə üz tutub. Məhkəmə iclası dekabrın 12-də keçiriləcək.
 
Qeyd edək ki, Elmira Alxasova pedaqogika üzrə fəlsəfə doktorudur. O, uzun müddət  Mədəniyyət və İncəsənət Universitetində dərs deyib.
 
Lent.az-ın əldə etdiyi məlumata görə, alim xanım  Azərbaycan Dövlət Mədəniyyət və İncəsənət Universitetinin (ADMİU) kafedra müdiri İlqar Hüseynovun doktorluq dissertasiyasının plagiat olması ilə bağlı dəfələrlə Ali Attestasiya Komissiyasına müraciət edib. Lakin o, müsbət cavab ala bilməyib. Görünür, E. Alxasovanın da məhkəməyə şikayət etməsi bu məsələ ilə əlaqədardır. 
 




15.12.2014    çap et  çap et