ABŞ-nin Florida ştatında faciə yaşanıb.
525.az xarici KİV-ə istinadən xəbər verir ki, Orlandonun cənubunda yerləşən Kissimmee gölündə bir qadın avar çəkərkən timsahın hücumuna məruz qalıb.
Florida Balıq və Vəhşi Təbiəti Mühafizə Komissiyasından (FWC) bildirilib ki, bədbəxt hadisə çərşənbə axşamı, saat 4 radələrində baş verib.
Komissiyanın açıqlamasında timsahın qadını suya çəkdiyi və cəsədi yaxınlıqda tapılana qədər bir daha suyun üstündə görünmədiyi qeyd olunub.
Əraziyə timsah ovlayan göndərilib. Lakin timsah tapılmayıb.
İbrahim Cəfərov
çap et