“Bayer”in baş məşqçisi Xabi Alonso Madridin “Real” klubu ilə 2028-ci ilin yayına qədər müqavilə imzalayıb.
QOL.az xəbər verir ki, bu barədə tanınmış insayder Fabritsio Romano X sosial şəbəkə hesabında məlumat yayıb.
Bildirilib ki, ispan mütəxəssis “Real”da işinə klublararası dünya çempionatından başlayacaq. Bu turnir 15 iyun-13 iyul tarixlərində ABŞ-da keçiriləcək. Ötən həftə Leverkuzenin “Bayer” klubunun mətbuat xidməti bildirib ki, komandanın baş məşqçisi Xabi Alonso cari mövsüm başa çatdıqdan sonra klubdan ayrılacaq.
Alonso 2022-ci ildən “Bayer”in baş məşqçisidir. Onun rəhbərliyi altında komanda Almaniya çempionu olub və ötən mövsüm ölkə kubokunu qazanıb.
çap et