Pakistan prezidenti Asif Əli Zərdari Çinin ölkəsinin sosial-iqtisadi və müdafiə sahəsində inkişafındakı həyati rolunu yüksək qiymətləndirib.
525.az xəbər verir ki, bu barədə Pakistan və Çin arasında diplomatik əlaqələrin qurulmasının 74-cü ildönümü münasibətilə prezident Zərdarinin təbrik məktubunda deyilir.
O, Pakistan-Çin əlaqələrini “tarixi və zamanın sınağından keçmiş” adlandırıb. Siyasətçi deyib ki, bunlarPakistanın xarici siyasətinin təməl daşı olaraq qalırlar.
Zərdari əlavə edib ki, son 74 ildə ikitərəfli əlaqələr strateji tərəfdaşlığa çevrilib: " Pakistan vahid Çin siyasətinin sadiq tərəfdarıdır və Çinin əsas milli maraqlarına aid məsələlərdə yanında olmağa davam edəcək”.
Pakistan lideri çətin anlarda Çinin ölkəsinə ardıcıl dəstəyini yüksək qiymətləndirib. Çin-Pakistan iqtisadi dəhlizini ölkəsinin iqtisadiyyatını və nəqliyyat əlaqələrini əhəmiyyətli dərəcədə yaxşılaşdıran ikitərəfli əməkdaşlığın flaqman layihəsi adlandırıb.
PrezidentŞ həmçinin vurğulayıb ki, Pakistan-Çin münasibətləri qarşılıqlı etimada, hörmətə və xoş niyyətə əsaslanır. İslamabad iqtisadiyyat, texnologiya, müdafiə, təhsil və ticarət sahələrində əməkdaşlığın daha da dərinləşdirilməsinə sadiqdir.
Pərvanə Sultanova
çap et