Bakı Dövlət Universitetinin (BDU) 9 tələbəsi “Codelandia” MMC-nin kibertəhlükəsizlik sahəsi üzrə 6 aylıq intensiv təlim proqramı üçün elan edilmiş I və II xüsusi təqaüd proqramlarının qalibi olub.
BDU-dan 525.az-a bildirilib ki, proqram BDU və “Codelandia” MMC arasındakı əməkdaşlıq haqqında anlaşma memorandumu çərçivəsində həyata keçirilib.
Təlim proqramı beynəlxalq təcrübə əsasında hazırlanıb və real hücum simulyasiyaları praktiki tapşırıqlar ilə təkmilləşdirilərək, tələbələrin sahəyə tam hazır mütəxəssis kimi yetişməsinə imkan yaradır. Proqramın sonunda uğurlu tələbələrin beynəlxalq sertifikata çıxışı təmin olunur.
Qeyd edək ki, müraciətlər aktivdir və hazırda da növbəti qruplar üçün tələbələrin qəbulu davam edir.
Sevinc Qarayeva
çap et