ABŞ-nin Şimali Karolina ştatının qərbindəki Katavba bölgəsində şənlik təşkil edilən evə silahlı hücum olub.
525.az xarici KİV-ə istinadən xəbər verir ki, Katavba polis idarəsindən bildirilib ki, yerli vaxtla 00:45 radələrində baş verən hücumda təxminən 80 atəş açılıb.
Hücum zamanı 58 yaşlı Şon Patrik Hud həyatını itirib, daha 11 nəfər isə yaralanıb. Yaralanan 11 nəfərdən 7-nin hələ də xəstəxanada müalicəsinin davam etdiyi, birinin vəziyyətinin ağır olduğu qeyd edilib.
Səlahiyyətlilər istintaqın davam etdiyini, hələlik hadisə ilə bağlı heç kimin saxlanılmadığını bildiriblər.
İbrahim Cəfərov
çap et