Macarıstanın paytaxtı Budapeştdə keçirilən dünya çempionatı davam edir.
525.az xəbər verir ki, bu gün Azərbaycanın daha bir cüdoçusu mübarizəyə qoşulacaq.
Olimpiya, dünya və Avropa çempionu Zelim Kotsoyev (100 kq) 1/16 finalda Cared Kosse (ABŞ) - Cennaro Pirelli (İtaliya) görüşünün qalibi ilə qarşılaşcaq.
Təsnifat görüşləri Bakı vaxtı ilə saat 13:30-da başlayacaq.
Xatırladaq ki, daha bir Olimpiya çempionumuz Hidayət Heydərov (73 kq) bu turnirdə gözlənilməz məğlubiyyətlə üzləşib. O, 1/16 finalda Otari Kvantidze (Portuqaliya) ilə qarşılaşıb və uduzaraq mübarizəni erkən başa vurub.
Qeyd edək ki, Azərbaycanı mundialda 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında mübarizə aparacaq. Hələlik cüdoçularımızdan Zelim Tçkayev (81 kq) və Elcan Hacıyev (90 kq) bürünc medal qazanıb.
çap et