ABŞ vətəndaşlarının əksəriyyəti hesab edir ki, Vaşinqton İran və İsrail arasındakı münaqişədə iştirak etməməlidir.
525.az "Report" a istinadən xəbər verir k, bunu "YouGov"un sorğusunun nəticələri sübut edir.
Belə ki, respondentlərin 60 faizi ABŞ-nin bu münaqişəyə cəlb olunmasına qarşıdır, 16 faizi əks fikirdədir. Qalan 24 faizi mövqelərini müəyyənləşdirmədiklərini bildiriblər.
Sorğuda iştirak edənlərin əksəriyyəti (56 faizi ) hesab edir ki, ABŞ İranla nüvə proqramı üzrə danışıqlarda iştirak etməlidir.
Araşdırma göstərib ki, amerikalıların təxminən 50 faizi İranı "ABŞ-nin düşməni" hesab edir.
Sorğu göstərib ki, amerikalıların 36 faizi İsraili ABŞ-nin müttəfiqi, 10 faizi İsraili qeyri-səmimi, 6 faizi isə onu düşmən adlandırır, qalanları cavab verməkdə çətinlik çəkiblər.
Təxminən 1,5 min nəfərin iştirak etdiyi sorğu iyunun 13-16-da keçirilib.
çap et