Avropa İttifaqı Şurası Aİ və Ukraynada sabitliyin pozulmasına yönəlmiş fəaliyyətlərə, o cümlədən məlumatların manipulyasiyası və xarici müdaxiləyə (FIMI) görə doqquz fiziki və altı hüquqi şəxsi sanksiya siyahısına daxil edib.
525.az “Report”a istinadən xəbər verir ki, siyahıya "Rusiya Televiziya və Radio Yayım Şəbəkəsi" federal dövlət müəssisəsi və onun baş direktoru, eləcə də Yeni ərazilərdə kommunikasiya infrastrukturunun inkişafının koordinasiyası departamentinin rəhbəri daxil edilib.
"Rusiya Televiziya və Radio Yayım Şəbəkəsi" işğal olunmuş ərazilərdə Ukrayna yayım sistemlərinin Rusiya hökuməti tərəfindən təsdiqlənmiş məzmun yayan şəbəkə ilə əvəz edilməsində mühüm rol oynayır. Bu fəaliyyətlərin məqsədi fərqli düşüncəni boğmaq, yerli əhalini Rusiya siyasətinə uyğunlaşdırmaq və işğal olunmuş ərazilərdə Ukrayna idarəçiliyini legitimlikdən məhrum etməkdir", - Aİ-nin məlumatında qeyd olunub.
çap et