ABŞ-də İkinci Dünya müharibəsi veteranı, 100 yaşlı Co Peterburs pilotluq edib.
525.az xarici KİV-ə istinadən xəbər verir ki, Kaliforniyada reallaşan uçuşun başqa bir maraqlı tərəfi Peterbursun idarə etdiyi təyyarənin İkinci Dünya müharibəsi dövründə istifadə olunmasıdır.
1942-ci ildə, 18 yaşı olarkən ABŞ Hərbi Hava Qüvvələrində xidmətə başlayan Co P-51 Mustang markalı qırıcısı ilə 49 dəfə döyüşə qatılıb, 1 dəfə düşmən tərəfindən vurulub. Katapult edən pilot almanlara əsir düşsə də, sonradan əsirlikdən qaça bilib.
Müharibədən sonra xidməti davam etdirən veteran Koreya və Vyetnam müharibələrinin də iştirakçısı olub, 1969-cu ildə təqaüdə çıxıb.
Qeyd edək ki, indiki uçuş zamanı Peterbursun etdiyi manevrlər mütəxəssislər tərəfindən yüksək qiymətləndirilib.
L.Tağıyeva
çap et