Əfqanıstanda zəlzələ nəticəsində ölənlərin sayı 650-ni keçib

Bu gecə Əfqanıstanda baş verən güclü zəlzələdə ölənlərin sayı 2 dəfədən çox artıb.

525.az xarici KİV-ə istinadən xəbər verir ki, bu barədə ölkənin daxili işlər nazirliyinin nümayəndəsi Abdul Matin Kani bildirib.

Günortaya olan məlumata görə, 650-dən çox insanın həyatını itirdiyi dəqiqləşib. Ölü sayının artması ehtimalı böyükdür.

Xatırladaq ki, bu gecə Əfqanıstanın Nanqanhar əyalətində 5,6 bal gücündə güclü zəlzələ baş verib. Zəlzələ ciddi dağıntılara səbəb olub.

L.Tağıyeva