"Qalatasaray"ın keçmiş baş məşqçisi Çezare Prandelli klubun ona verəcəyi təzminatla bağlı təkliflərini rədd edib.
Lent.az-ın sabah.com.tr-yə istinadən verdiyi məlumata görə, İstanbul klubu Prandelliyə 1 milyon avro verməklə məsələnin həll olunmasını istəyib. Amma italiyalı mütəxəssis təklifi qəbul etməyib. 57 yaşlı məşqçi “CimBom”dan 5 milyon avroya yaxın pul istəyir.
"Qalatasaray"da aylıq 190 min avro maaş alan Prandelliyə bu günə qədər ümumilikdə 1,3 milyon avro ödənilib. Onun bütün alacaqlarının hamısını tələb etməsi “Sarı-qırmızları” pis vəziyyətə salıb.
Qeyd edək ki, Prandelli məsələ ilə bağlı FİFA-ya şikayət edərsə və borc ödənilməzsə, "Qalatasaray" klubuna ciddi cəzalar verilə bilər.
çap et