Milli Elmlər Akademiyasının (AMEA) Folklor İnstitutunun elmi şurasının qərarı ilə rüblük nəşr olunan "Azərbaycan Şifahi Xalq Ədəbiyyatına dair Tədqiqlər" elmi-ədəbi jurnalının 44-cü nömrəsi işıq üzü görüb.
İnstitutun mətbuat xidmətindən "525"ə bildirilib ki, "Folklorşünaslıq məsələləri" bölümündə Y.M.Lotmanın "Alternativ variant: yazısız mədəniyyət, yoxsa mədəniyyətdən əvvəlki mədəniyyət?", Muxtar İmanovun "Nağıllar barədə bir neçə söz", Füzuli Bayatın "Məhərrəmlik ritualları və şəbih elementləri", Yaqub Babayevin "XIII-XIV əsrlər Azərbaycan epik poeziyasında nağıl motivləri" və digər folklorşünas alimlərin yazıları yer alıb.
Eləcə də toplunun bu sayında "Peşəkar söyləyici ifaçılığı" bölümündə "Neftçala-Salyan folklorundan örnəklər", "Ümumtürk folklorundan örnəklər" bölümündə isə "Özbək xalq şeirindən seçmələr" və digər yazılar yer alıb.
S.ABDULLAYEVA
çap et