İsrail Yəmənin paytaxtını vurdu

İsrail ordusu Yəmənin paytaxtı Sənada bir neçə məntəqəni bombalayıb.

525.az xəbər verir ki, bu barədə Yəmənin “Əl-Məsirə” telekanalı məlumat yayıb.

Bildirilib ki, İsrailin zərbələri husilərin lideri Əbdülməlik əl-Husi canlı yayımda açıqlama verərkən həyata keçirilib.

İsrail ordusunun yaydığı açıqlamada isə husilərə məxsus hərbi mövqeləri hədəf alan genişmiqyaslı hücumun həyata keçirildiyi qeyd olunub.

İbrahim Cəfərov