Qaziantepdə zəncirvari qəza - 7 nəfər yaralandı

Türkiyənin Qaziantep şəhərində zəncirvari yol qəzası baş verib.

525.az “Milliyet”ə istinadən xəbər verir ki, qəza iki avtobus, bir ticarət maşını və bir minik avtomobilinin iştirakı ilə baş verib. Qəzada 7 nəfər xəsarət alıb.

Hadisə yerinə çoxlu sayda təcili tibbi yardım və polis əməkdaşları göndərilib.

Xəsarət alan 7 nəfərə tibb işçiləri tərəfindən ilkin tibbi yardım göstərilib. Onlar daha sonra müalicə olunmaq üçün müxtəlif xəstəxanalara aparılıblar.

Qəza ilə bağlı araşdırmalara başlanılıb.

İbrahim Cəfərov